Nachzügler

juhee juhee! noch 3 monat, de dopplete ziit wie veriibart sind entli oisi verschiffte sache acho. juhee juhee! oh wunder und staun, wer het de saich au nur verpackt. 3/4 chentme gad verpackt loh und wieder zruggschiffe. Bispiil 1) federbäll und schläger: kennt do niemert. isch au kai wunder bi dene sturmwind wo do herrsched. Bispiil 2) töffchleider: han 1. kan töff und wür 2. mit töff innerhalb vonere halb stund under em goretex usetropfe.
aber immerhin: mini superbohrmaschini isch scho mengmol zum isatzcho.



















wie me gseht isch swohnzimmer scho fascht wohnlich igrichtet. was sich also au glohnt het zum mitnee isch mini wii. entli mol ziit usgibig zgame. chlini verarschig am rand: han mi scho gfroit usgibschtig crackti games für es paar dollar zposchte. aber denkste, de globali protektionismus het wieder mol zuegschlagt. me chunt zwor kopierti und originali games über, aber die laufed nur uf amerikanische wiis. es git e spezielli europäischi version, wo nur europäischi games druf laufed. danke!



















gasherd agschlosse, chuchi bis in letschte winkel putzt und chuchichäschtli gfüllt mit gschirr. alles bereit für die gross akunft.



















juhee juhee juhee. entli nüme telefoniere. corina isch do! so machts doch gad vill meh spass. 5 monät warte isch würkli enorm lang. aber jetzt isch alles guet.

schön, corina bisch cho und gohsch mit mir das abentür i.
dass i zschpot an flugehafe cho bi wirschmer jo wohl verzeihe ;-)






















tja, do froit sich eine :-)