geburtstagsparty

a mim geburi hani mis erschte feschtli gmacht. mit guet 2kg lomito de rez und 18 salchichas picantes (mjam) hets e gedigni sunntigsnamitagsgrillete ge. d'zoellner hendi mi zwor wieder mol voll verarscht, heti doch genau 2 taeg vorher oisi verschiffte chischte soelle acho. aber de hets gheisse, mañana und mañana isch dummerwiis en samschtig. na ja, de hend sich gescht halt mit zersplitternde plastikbschteck moese abmueh. dank unterstuetzig vo marius und suelen mit salat, sonzo und guacamole hend sich denn doch no alli chöne de buch vollschloh.


mini veranda mol biz vode belebtere siite


















gescht hend zum teil sogar d'stuel moese selber mitbringe (hans sei dank). susch het noed nur de rory moese stoh.


















kenner werded die chliine importierte details sofort erkenne.


















das bin ich, won gad erfahre han, dass ich es wuchenend z'zweite binere schöne lagune übercho han, wow! wer mitchunt isch jo wohl klar.


















so geg de abig hend sich d'fraue ine wuerfelrundi (gacho) vertueft ...


















...d'männer sind wie immer wichtige sache am bespreche ...



















....und d'chind hend verdammti froid am chili gha (hund vo de suelen).



















die chline trübel het me möse hebe, dass nöd gad de grill gschtürmt hend.

ah jo genau, kai dummi froge bitte über die schwarze stückli ufem grill.


















das wers de au gsi.

mittlerwiile sind oisi sache au acho, drum ka wiiteri föteli vom hus, zersch mues das gettho ufgrumt werde. hm, irgendwie fehled ebe d'möbel zum de plunder z'verschtaue.
super, defür hani jetzt en töffhelm ohni töff, en velohelm ohni velo und ein badminton schläger aber kan zweite. es git no vill ztue....



de beat isch de glii drufabe flügge worde und i sini eigni wohnig izoge.
aber chum dus, hani scho en noi mitbewohner, en minigecko.

bienvenidos!

santa cruz impresiones

mit dem blick gang ich go schaffe.... isch doch schön.






















a dem ort isch immer alles graglet volle mit tube, hitchcock live!



















schöni grossi bäum mit gelbe blüete, hach swird früelig.


















das muesme so lese:
rechts us de schuel choemed chind und versueched ueber d'stross zrenne ohni vomene auto verwuetscht zwerde, was netuerli bi de hisige vortritsrecht noed ganz eifach isch. 'frog' gamers us alte ziite werdeds verschtoh. ebe und wills noed alli schaffed, gits ebe de so hubel uf de stross.
also ufpasse autofahrer, noed das de spoiler astoht.





















die wunderschön plaza principal....


















.... wo s'einzig wohrzeiche vo de stadt stoht, la catedral.

review august

ich weiss, ich bin en lausige blogger... aber immerhin bini

also, han schon lang es paar foeteli vorbereitet, wonaber scho biz antiquitiert sind. nichts destotrotz moend die no ufe

firmegruendig am 1 august
grandiosi sach gsi. nachdem mer oisi firmepolicy gschribe hend (noed surfe, noed chatte, kai alk am arbetsplatz, etc.) isch am mittag d'suelen mit liliana, lisa und eme champi cho. jo also, so stier simmer jo a nonid worde, zum oisi regle gad am erschte tag noed choene zdurbreche.



















de champi hanich mit eme meischterschuss entkorkt und churzerhand en teil vo de lampe abegholt. i weiss jetzt wieso villi immer panik hend, weni so ne flaesche i de hand han. naja, nuent passier und scho wieder gflickt.



















det zumols hets no so usgseh im buero. sit ere wuche hemmer entli dmoebel uebercho und es gseht jetzt also us wienes buero. hmmm, wienes buero mit ere biigi chischte und gruempel im egge. was aber wuerklich muehsam isch, dass mer oisi maschine noed choend platziere vomer wend. es isch unglaublich, aber es isch fascht unmoeglich verlängerigskabel überzcho, mit 2 schmale löcher und einere erdig i de mitti (wonaber es biz wiiter weg isch als bi ois). to be continued....